Privatarkiv frå Hordaland

Bevaring av privatarkiv er avgjerande for å sikre at denne informasjonen og kulturarven ikkje går tapt for kommande generasjonar. Gjennom å bevare privatarkiv kan vi bidra til ei betre forståing av historiske prosessar, samfunnsutvikling og endringar i kulturen. Det er også ei kjelde til identitet, minne og samkjensle for både lokale samfunn og enkeltpersonar.

I Vestland arbeider fleire aktørar saman for å ivareta og formidle privatarkiv. Fylkesarkivet i Vestland spelar ei sentral rolle som koordinator og samarbeidspartnar for kommunane og arkivinstitusjonane i regionen. Saman jobbar dei for å utarbeide ein samla bevaringsplan for privatarkiv i Vestland, som skal sikre at viktige arkivmateriale blir funne, vurderte og bevarte for framtida.

Her kan du lese meir om bevaringsplanen for privatarkiv i Vestland.  

Eigarkommunane som tek hand om privatarkiv har høve til å deponera arkiva hjå oss.

Eit viktig element i dette arbeidet med privatarkiv, er samhandlingsplanen som legg grunnlaget for korleis ulike aktørar skal arbeide saman for å nå måla om bevaring og formidling av privatarkiv. Planen omfattar både retningsliner for innsamling og deponering av arkivmateriale, samt strategiar for tilgjengeleggjering av arkiva for publikum.

Her kan du sjå samhandlingsplanen for privatarkiv for Hordaland.

Samarbeidet mellom eigarkommunane, Fylkesarkivet i Vestland og andre aktørar er eit viktig steg mot eit betre system for bevaring og formidling av privatarkiv i regionen. Gjennom dette arbeidet sikrar vi at viktige historiske kjelder blir bevarte og at kulturarven vårt blir vidareført til kommande generasjonar.

Katalogar og digitalisert materiale frå privatarkiv er tilgjengelege gjennom ulike plattformer som Arkivportalen og Digitalarkivet.no. Her kan forskarar, slektsgranskarar, lokalhistorikarar og andre interesserte få tilgang til eit rikhaldig utval av kjelder som kan gi ny innsikt og forståing av både lokal og nasjonal historie.

Her kan du sjå arkivmateriale som er digitalisert og publisert hjå oss.

I vår depot oppbevarer vi ei omfattande samling av privatarkiv frå ulike organisasjonar og enkeltpersonar i Hordaland og omliggjande område. Samlinga inkluderer mellom anna arkiv frå kristelege ungdomslag, bonde- og småbrukarlag, telefon- og elektrisitetslag, skoglag, misjonsforeiningar, og vassverk. Nokre av arkiva strekkjer seg så langt attende som til midten av 1700-talet og går fram til tidlegare delar av dette hundreåret. Privatarkiva gjev innsikt i både lokalhistorie og verksemder i ulike periodar, og studiar av desse gir ei djupare forståing av korleis samfunnet har utvikla seg og korleis ulike aktørar har påverka denne utviklinga.

Ved å undersøkje arkiva kan vi lære meir om korleis menneske og organisasjonar har handtert ulike utfordringar og endringar i samfunnet, samt korleis dei har samarbeidd og kommunisert med kvarandre. Gjennom dette vi ei betre forståing av samfunnets organisasjonsstrukturar, økonomi og kultur i regionen gjennom historia. Dette bidreg til at vi kan få eit meir nyansert bilete av samfunnsutviklinga og hjelpe oss med å sjå korleis historiske hendingar og prosessar har forma dagens samfunn.

Du kan bestille innsyn i privatarkiv ved å bruke skjemaet vårt for bestilling av opplysningar frå våre arkiv. 

Kvar arkivskapar har ein katalog og katalogen er tilgjengeleg på arkivportalen. Du finn han ved å søkje på namnet til arkivskaparen. 

Arkivmateriale som er digitalisert er publisert på Digitalarkivet.no. Publisert materiale kan du sjå her.