Før du avtaler tid på lesesalen
- Har du sjekka om arkivet er tilgjengeleg på digitalarkivet.no?
- Har du funne fram til kva arkivkjelder du ynskjer frå Arkivportalen.no?
- Finn direktelenker til din kommune sine arkivkatalogar og digitalisert materiale og undersøk kva som finst
Tinge innsyn
Ein kan tinge innsyn i arkivkjelder som er låst eller ikkje enno digitalisert.
Ved dei fleste førespurnader vil vi digitalisere arkivkjeldene og sende via e-post eller liknande tenester på nett.
Ved særskilte høve kan det vera trong for å besøke lesesalen, og vi vil avtala tidspunkt.
Reglement for bruk av arkivmateriale på lesesalen
Arkivkjeldene er uerstattelege og du må difor vise varsemd når du skal bruke det. Hugs å:
- Opne berre ein arkivboks eller pakke om gongen.
- Pass på at dokumenta vert liggjande i rett rekkjefølge.
- Aldri fjerne noko av innhaldet.
- Bruk berre blyant når du skal notere noko og pass på at arkivsaker ikkje vert skriveunderlag. Det skal vere blyantar tilgjengeleg på bordet.
- Ikkje sett blyantmerke i protokollane eller dokumenta eller lag brettar i dei.
- Ikkje legg opne protokollar oppå kvarandre.
- Du kan bruke eigen datamaskin på lesesalen.
- Informer lesesalsvakta om du er ferdig med materialet eller vil sjå på det seinare når du går.