Opplysningar om eigedom

I byggesaksarkiva finn du dokumentasjon om eigedom som har inngått i sakshandsaminga etter plan- og bygningslova. Dette kan vere byggemeldingar, teikningar, ferdigattestar og korrespondanse mellom kommune, arkitekt og byggherre. 

Mengda av dokumentasjon som finnes på ein eigedom vil variere. Enkelte eigedomar kan ha meir enn ei byggesaksmappe. Grisgrendte strøk vart først omfatta av bygningslova i 1965, og utanfor byane kan det derfor vere vanskeleg å finne dokumentasjon om ein eigedom før denne perioden. 

Dokumentasjon om kommunale bygg og eigedomar kan og vere å finne i saksarkiv etter ulike arkivskaparar, avhengig av byggjeår og type bygg. Saksmappene kan innehalde forberedande saksdokument, vedtak, korrespondanse, teikningar og i nokre tilfelle foto. 

Ønsker du innsyn i eiga byggesaksmappe anbefaler vi deg om å ta kontakt med kommunen. Store delar av byggesaksarkiva er digitaliserte og vil vere tilgjengelege på nett for sakshandsamarar i kommunane. Byggesaksarkiv som ikkje er digitalisert står oppbevart i kommunen. 

På postlistene til kommunane vil det som regel vere mogleg å søke fram og bestille byggesaker av nyare dato. Nedanfor finn du ei oversikt over kva for kommunar som har digitalisert byggesaksarkivet sitt. 

Bygningsrådet hadde ansvar for å handsama søknadar om byggjeløyve, utføra tilsyn med byggjearbeid, inspisera det fullførte arbeidet, og utferda ferdigattestar.

Nedanfor finn du ei oversikt over kva for kommunar som har digitalisert bygningsrådsprotokollar og lenke til digitalarkivet.no. 

Desse kommunane er ferdigskanna: 

Askøy, Austevoll, Bømlo, Etne, Fedje, Fitjar, Vaksdal (Bruvik), Kvam (Øystese), Kvinnherad, (Rosendal, Sunde, Uskedalen), Masfjorden, Modalen, Osterøy, Samnanger, Stord, Sveio og Ulvik. 

Samanslåingskommunar: 

• Alver (Meland, Lindås, Radøy)
• Bjørnafjorden (Os, Fusa)
• Voss (Voss, Granvin)
• Øygarden (Sund, Fjell, Øygarden)
• Ullensvang (Jondal, Odda, Ullensvang)

Desse kommunane er under arbeid: Austrheim, Bruvik, Eidfjord og Tysnes.

Plan- og reguleringsarkiva inneheld dokumentasjon knytt til kommuneplanar, reguleringsplanar og dispensasjonar frå planar. Her kan du finne informasjon om arealbruk, føresegner og andre reguleringar som påverkar eigedomen din.

Plan- og reguleringsarkiva kan innehalde:

• Kommuneplanar: Overordna planar for arealbruk og utvikling.
• Reguleringsplanar: Detaljerte planar for bestemte område.
• Saksdokument: Søknadar, vedtak og korrespondanse knytt til plan- og reguleringssaker.

For innsyn i desse dokumenta, ta kontakt med planavdelinga i kommunen din. 

Kart- og oppmålingsarkiva inneheld informasjon om eigedomsgrenser, oppmålingsforretningar og kartdata. Dette er nyttig om du treng nøyaktige opplysningar om grensene til eigedomen din.

I kart- og oppmålingsarkiva kan du finne:

• Oppmålingsforretningar: Dokumentasjon av grensepåvisingar og -justeringar.
• Matrikkelkart: Offisielle kart som viser eigedomsgrenser.
• Historiske kart: Gamle kart som kan vise utviklinga av eigedomsstrukturen.

Kontakt kommunen si oppmålingsavdeling for å få tilgang til desse dokumenta.

Teknisk hovudutval handsamar saker som gjeld tekniske tenester i kommunen, som veg, vatn og avløp, renovasjon og andre infrastruktursaker. Arkiva frå dette utvalet kan gje informasjon om vedtak og planar som påverkar eigedomen din.

Dokumentasjon kan inkludere:

• Saksframlegg og vedtak: Informasjon om kommunale prosjekt og reguleringar.
• Planar og rapportar: Detaljerte planar for tekniske anlegg og tenester.
• Korrespondanse: Dialog mellom kommunen og innbyggjarar eller entreprenørar.

Nedanfor finn du ei oversikt over kva for kommunar som har digitalisert møteprotokollar etter teknisk hovudutval og lenke til digitalarkivet.no. 

Desse kommunane er ferdigskanna: Fitjar, Modalen og Stord. 

Tinglyste dokument frå perioden fram til 1950 finn du i dei statlege arkiva. På Digitalarkivet kan du sjølv gjere søk i grunnboka for å sjå kva som er tinglyst på din eigendom. I pantebøkene finner du avskrifter av tinglyste dokument, medan anna skylddelingar og skøyter.  For nyare tinglyste dokument må du ta kontakt med Kartverket. 

På Arkivverket sine heimesider finn du rettleiarar om korleis du skal gå fram for finne tinglyste dokument, branntakstar og jordskiftesaker.