For å hjelpe eigarkommunane med dette arbeidet, inviterer vi til ein ny runde med verkstader i arkivplan. På verkstadane vil vi fokusere på eitt eller to konkrete tema som deltakarane kan jobbe med. Dagen startar med ein presentasjon frå oss, etterfølgd av diskusjon og arbeid med eigen arkivplan. Vi oppmodar dykk til å sende inn forslag til tema i forkant.
Tid og stad:
- 13. mars kl. 10.00–15.00
- 20. mars kl. 10.00–15.00
- 10. april kl. 10.00–15.00
Verkstadane blir haldne på Fløirestauranten, og deltakarane får tur/retur med Fløibanen inkludert. Arrangementet er gratis for eigarkommunane, og det blir servert lunsj. Ver venleg å opplyse om eventuelle allergiar ved påmelding.
For å sikre at deltakarane kan jobbe effektivt med arkivplanane sine, må alle ha med eigen PC. Det er mogleg for fleire personar frå same kommune å delta dersom fleire jobbar med arkivplan.
Frist for påmelding: 24. februar 2025.
Etter at fristen er gått ut, sender vi ei stadfesting på deltaking. Merk at dersom pågangen blir stor, kan vi vurdere å setje opp ekstra dagar.
Vi ser fram til å treffe dykk på verkstaden og å bidra til vidareutviklinga av arkivplanane i kommunane!